Day 13 July 04 : Benito Juarez
行山係我地都好鐘意的活動, 呢幾年的旅行, 每個國家都會揀一個地方去行山. Sierra Norte 喺墨西哥出名的山群及行山, 一般都有 3000 米高, 加上連連山脈. 低谷, 所以都有不少人會選擇呢度行山. 其中 Pueblos Mancomunado 就包括左 8 條比較偏遠村落, 卻有森林. 豐富大自然的資料, 仍然保留 Zapotec 的農村生活. 而且又有 Expediciones Sierra Norte 幫你安排好行程, 住宿, 膳食, guide 等等, 基本上自己搭車到你的首站, 就乜都安排好啦! 部份地方連公車都無, 要包車, 如果你地人多, 當然無問題, 我地只得兩個人, 所以交通易於唔易係我地考慮, 就揀左Benito Juarez出發然後行去Cuajimoloyas，呢兩個地方都有公共交通往來. (當然如果你乜都唔想攪, 要好安全就參加一些全包旅行團, 團費會貴D, 因為Expediciones Sierra Norte 收到嘅錢, 會直接去到當地村民)
我地兩日一夜行程, 第一日會喺Benito Juarez 行大約3 小時, 睇瀑布, 下午休息, 第二日早上睇日出, 然後再過另一條村Cuajimoloyas 就走啦, 之前睇資料, 大部人話路唔算太難行, 會有 guide 帶路及解釋 ( 不過因為我地唔係好識西班牙文, 所以大部分都係用身體語言)
 |
| 這就是大地在我腳下! |
 |
| 我覺得似瑞士多過印象中嘅墨西哥 |
入村就會見倒個地圖, 講解 Benito Juarez村四周可遊覽的地方, 因為當地人都不少會自己開車嚟呢度玩或者行山, 當然入村要比錢, 如果你無地圖, 最好都係跟團因為路線都幾多分差路
 |
| 一到步就有佢地歡迎我地! |
由於我嘅西文好唔流利, 佢地唔識英文,只能用好簡單的西文加封信去溝通, 其實我地都唔知今日行邊, 路程係乜野, 但又有乜所謂因為對我地嚟講, 所有地方都係新嘅! 攪左一陣, 有個叔叔就帶我地行, 目的地係瀑布! 總之都係圍繞 Benito Juarez 條村行。
叔叔唔識英文, 不過佢都好努力同我地傾計, 當然好多野都係我自己估佢講乜, 佢自己一個人住呢度已經七十幾年, 佢行得好快完全睇唔出佢咁大年紀!
 |
| Benito Juarez 村落, 你見倒遠山嗎 ? |
開始行有少少上山路, 但唔太難行因為D路都好寬, 有時有車上, 或者有馬, 驢仔經過, 四周環境好廣寬, 雖然係高山, 但我地都無高山症反應!
 |
| 仲有羊, 不過佢地好惡, 望近D都鬧.. |
 |
| 映唔出篇地黃花 |
一路行就覺得自己去左 Swiss, 因為D山草好綠呀!
 |
| 這就是生活, 好大棵仙人掌呀! |
 |
| 頭段路線都好清楚及平坦, 行得唔辛苦. |
 |
| 墨西哥主要食量係栗米, 所以四圍都係栗米田 |
當時我地仲心想呢條路都好輕鬆, 點知突然叔叔轉左入樹林, 一條完全唔係路嘅路, 有D似我地爆林, 開始都見倒有少少泥路, 但後來連路都無, 加上好斜, 我估有60-70度, 好彩D路有好多樹葉, D路好"林", 所以D葉會包住你對腳, 路斜但唔會怕 "跌襯", 就算跌倒 ( 我試過幾次), 因為地好 "林", 所以完全無危險亦唔怕跌損唯一要小心係都幾多樹枝, 要小心 "桔 " 倒眼! 我第一次行d 咁林嘅路，真係好特別又好得意，感覺同香港行山好唔同，因為覺得跌都好安全，地下有層軟毯！
 |
| 企定定先可以映相 |
 |
| 叔叔行得好快, 唔好留低我地呀! |
 |
| 阿叔你又去左邊 ? 我地就係喺山林中落落落! |
我地估計阿叔想快d去瀑布, 所以行左條Short cut 路, 不過無人帶自己唔好試, 因為左穿右穿, 仲有大部份路真係好斜路, 一定要好好保護手腳!
 |
| 其實係有條好好靚路比大家行, 不過就要繞路, 叔叔就帶我地爆林, 佢真係睇得起我地! |
由於當時係天氣乾旱, 所以唔多水, 但我地已經好開心因為到達目的地啦!
 |
| 叔叔話佢唔識用數碼相機, 佢好努力試映先映倒呢張相, 比個叻佢! |
 |
| 佢就係叔叔啦, 佢行得好快呀! |
休息15 分鐘, 因為我地要趕返去食飯, 所以就回程啦, 回程就行返D似樣山路, 唔使爆林啦!
 |
| 四周都有好多野花 |
差不多返到村中心, 見倒多D人同動物..
叔叔講在一輪, 話我地2 點食飯, 我地仲想夠時間, 但原來佢地跟Oaxaca 時間不同, 有兩小時差異嘅, 所以大家到時要記得當地時間唔係Oaxaca 啦!
差不多回地村中心, 但原來仲未行完, 叔叔再坐去 Suspension Bridge吊橋 及El Mirador , 其實當時已經好攰, 但無理由唔去啦..... 所以又再豈越過另一個山... gogogo
 |
| 又上山啦! |
 |
| 我好似死左, 隻牛在笑我! |
又曰 "欲窮千里目, 更上一層樓" 我地本身已經身在3200米高地, 但登上更高地方, 就睇倒成個村及山環境, 但忽然好多雲, 叔叔話通常行山要朝早因為多數中午到下午都會落大雨, 當時覺得凍左好多, 高山的天氣真係變化好大好快....其實仲有個塔可以上去, 但我地實在太攰, 所以只靜靜睇風景就算!
 |
| 望住個景就係唔想走 |
 |
| 兩隻腳.. |
 |
| 呀!!!!!! |
 |
| 全景 |
休息到咁上下就出發回去, 關、返去條路仲會經過吊橋, 好 high 呀!
 |
| 你睇我幾驚因為條橋好 "搖"! |
走嘅路又係唔係路， 阿叔又帶我地行＂唔係路＂
呢個係一個山谷， 所以好多野花及唔多高嘅樹
回到宿舍食飯， 下午是自由時間， 我地就瞓覺因為好攰， 瞓醒就到附近行行，但唔大所以１５ 分鐘就返去食晚飯．．
晚飯都係食來自村的食物，最特別係個燒爐
晚上會有人燒柴因為高山溫度會跌得好厲害，雖然當時係７月，但估計晚上只有幾度， 我第一次晚上對住火爐瞓，晚上無電視無電話，我諗咁樣大家無打擾，好好的將相處時間交比對方，好多時我地會睇電視，上網電話等等，所以我都好難忘當時只是兩個人望住個火就傾左一晚．．．．
 |
| 房間好簡單, 我地比左4人房,所以好大,仲有 獨立廁所,有熱水沖涼,所以比玉山呢度好好多啦! |
Day 14 July 05 : Benito Juarez 去 Cuajimoloyas
本來計劃天光行山睇日出,但天氣太凍,休息太少,最後都無去倒, 一睡就天光,今日行山去Cuajimoloyas.
 |
| 後面就係我地嘅宿舍啦 |
開始路線跟昨日去吊橋位置相同, Swiss Family 亦同我地一條路線, 個Guide 就改左一個較年輕的人, 好彩有 Swiss媽媽幫忙做吓翻譯!
跟昨日不同, 當我地到達休息地方,昨日同一地點, 天很灰,好多雲,今日見到好藍嘅天,白雲, 景色更開揚! 呢度映左好多相...
我地又行返吊橋去另一條村呀!
由Benito Juarez 去Cuajimoloyas, 基本上由3200米去大約3000 米,但路線唔係落山, 係須要翻過山頭去另一條村, 有奇部分路線比昨日更易行, 無咁斜, 加上Swiss 弟弟唔願意行. 所以我地行得唔算太快, 我地可以慢慢停吓映相, 又可以休息, 比跟叔叔舒服好多 !
 |
| 其實有D人就會跟住指示去行呢條路線 Pueblos Mancomunado |
 |
| 又係大篇栗米田.. |
 |
| Swiss 弟弟唔願行, 佢哥哥好好,成日都 cheer up 細佬, 媽媽又會成日話好快到或者比時間休息,一家人好seet |
 |
| 見倒佢我真係以為自己去在瑞士 |
 |
| 黃色花海,最衰相機映唔倒個風景 |
當時7月係當地 Mushroom當做,過多兩星期佢地當地仲有個 Mushrioom festival,好易就見倒D姑, 好大隻,仲有, 我第一次見到d姑生長喺針樹D葉,所以成地都有,但 香港生喺樹杆嘅!
 |
| 姑姑生長喺針樹D葉 |
 |
| 阿羊咩咩, 做乜比個 pat pat 我睇~ |
見到Cuajimoloyas村啦, 行左大約4 小時, 都唔算太快太慢啦!
 |
| 呢條村明顯比 Benito Juarez 繁榮好多, 起碼多D屋 |
午餐都係食當地食品
食完飯就準備走, 無巴士但有D類似的士 ( collectivo) 去 Oaxaca, 坐滿人就走, 我地有5人, 所以好快就開車, 仲要唔夠位坐, 我地要坐貨位置, 好特別嘅經驗....一小時車程就返到Oaxaca 啦!
 |
| 呢架就係collectivo |
 |
| 後面都可以坐唔少人 |
 |
| 再見高高的山...... |
下篇再講返到Oaxaca城的遊記
Tour : Expediciones Sierra Norte - 2120 peso (共2 人價錢) 2日1夜, 包2人房,獨立厠所,浴室, 有熱水, 包4餐 (Lunch X2, Breakfast & Dinner), 晚上爐火 ( 1 次, 如須加木, 須額外加錢), 導遊, 基本上兩日洗費都包括除了交通, staff 好 nice, 有問題都願意解答, 雖然開始不能用語言。溝通, 之後 已大家懂得用 google translate 幫忙 !如有時間, 超推介 ! 但導遊有可能行得快, 可溝通行慢D !
Hotel :Abu (800peso 一晚) : Part 1 講過呢間酒店地點好, 又 4星, 點解會無乜人住, 當我地第二次返 酒店 check in 時, 發現好多警察, 係好多, 差不多全酒店都無 guest 只有警察, 須知, 墨西哥, 多警察代表唔安全, 我地問酒店又唔答, 問警察佢又唔知我地講乜, 最大問題, 係我地住3 樓, 層層樓都無咁多警察, 點解全3 樓都係警察, 我地估可能有高官住, 我已經諗點走, 如果有 炸彈, 可以點...... 好彩到夜晚已經少左好多警察, 可能佢地有 conference ( 因為見到酒店門口有好多旅遊巴), 夜晚就完結, 少左好多人, 總之, 一場虛驚....
沒有留言:
張貼留言