Day 16 - July 07 Mexico City 墨西哥城
話說昨晚 9:30 左右到達 TAPO, 當巴士到達
墨西哥城時, 已經見到呢個城市好多車, 好多破爛樓房, 當然還見到好多警察查車, 一群一群嘅人, 感覺好不安全..... 當我 地真係到達 TAPO, 心想會否好多人揾客, 然後後面有人搶野,偷野, 點知, 一落車, 車站無乜人, 無人問的士, 跟指示 ( 好清楚) 行幾分鐘就到達的士站, 比錢, 就上左的士啦, 反而的士司機唔識路, 好彩都有2G 可以 google map, 我仲可以用西班牙文同司機溝通, 話佢知幾時轉左右, 再直行等等 , 我都覺得自己好勁, 已經幾次教司機行路 !
坐的士時, 見附近環境好靜, 部份街有小姐, 當時心諗唔係真係治安咁差, 條街又黑麻麻, 我地好肚餓.....又想食飯.....
當到達酒店時,果然係 chain store, 5 星酒店, 見到好乾淨, 門口有 security, 感覺好安全, 酒店附近有步行街, 主要 shopping area, 所以都仲有餐廳, 不過當時我地唔想出門, 之前買定杯麵就簡單一餐!
 |
| 你睇吓酒店門口有警車警察, 路口又有警察.... 總之警察全包圍..... |
第二日休息好, 一出門就見到好多警察, 有D似2014 年香港佔中嘅政府總部, 全部都著曬避彈衣, 感覺好奇怪!
 |
| 街頭街尾都有警車, 周街都有警察 |
巳經好多日無洗衫, 所以一早的活動係洗衫, 不過唔係周圍有, 要行15 分鐘先得, 附近係好靜住宅區, 但唔算治安唔好! 附近好近樂器街, 有與趣朋友唔好 miss !
話說我地當日其實巳經好驚, 驚有賊,驚咁多警察, 當你入店鋪時, 有保安要你放個袋去指定地方唔出奇, 但發覺原來警察係做埋 security, 一間又係咁, 兩間又係咁, 比去 Cebu 感覺更加怪, 後來才知因為所有店鋪可以搵警察做 security, 真係一個好好收入來源 !
是日行程係市中心. 但因為Zocalo 有電子 expo, 所以睇唔倒升旗禮, 我地見到有間好靚嘅 building, 以為佢係Palacio Nacional, 但門口全部警察, 又唔比人入, 我地又八八卦卦"裝裝"吓, 覺得似 office, 原來真係government office, 我地估錯左....
呢個先係 Palacio National, 同之前個 building 都差好遠....
 |
| 因為呢個電子 expo, 我地睇唔到好大嘅 plaza |
 |
| catedral metropolitan |
墨西哥城基本上代表墨西哥, 因為大家覺得治安差, 多打劫, 坐黑的等等, 我都覺得墨西哥城感覺唔安全, 但玩得少心點其實都不是想象中差.
墨西哥國棋上有一隻鷹口中有條蛇棲息一仙人掌上, 其實這是一個 阿茲特克 Aztecs 的一個傳說, 當年, 太陽神 ( Huitzilopochtli)顯示喺一個環水白蘆葦地方, ，發現一隻鷹口中有條蛇棲息一仙人掌上, Aztecs 就喺這地方建立自己家園.
我地先去教堂, 跟其他美洲城市一樣, 當年西班牙入侵了地方, 就會將神廟改成教堂, 大主教堂 ( Catedral Metropolitana) 亦一樣, 佢本是 阿茲特克神廟原址, 大主教堂不單是當時拉丁最大的教堂, 同時亦係世界最大嘅天主教區中心, 塔高 67 米. 始建 1525 年, 起足300 年到 1813 年才完成, 起好西班牙人都已經返鄉下 !
建築風格好 mixed, 有古典, 新古典, 仲有五個主壇, 所以好眼花, 有排睇. 眼花另一個原因係呢個教堂係下沈中, 基本上成個墨西哥城都係下沈中, 因為當日阿茲特克( Aztecs)到達墨西哥城並建立, 其實墨面哥城係一個好大嘅湖, 並不是好似而家一大片陸地, Aztecs 就起運河及水利工程, 但當 Hernlan Cortes 抵達, 破壞原有建設並將運河填滿, 令墨西哥城成為西班牙拉丁美洲首都, 但幾百年後, 呢個城市試開始下沈, 你行呢個教堂就最明顯, 無法行直線 !
 |
| 教堂外都有不少古典藝術雕像 |
教堂旁就係 Palacio Nacional ( 國家宮), 就係總統辨工地方, 亦開放比遊客, 但要帶 passport / ID card 比佢留低.
國家宮建於16 世紀, 原址本來係Aztec 國的皇宮, 西班牙入侵後,就被 Cortes 破壞原建設, 重新再起過現時建築做佢屋企, 建築多左歐洲feel,, 入面有個大中廳,因為 Cortes 要睇鬥牛, 直到1820 年, 呢度就成為政府嘅 office.
 |
| 歐洲常見嘅大柱 |
 |
| 中廳大到映唔晒! |
其實大家到 國家宮都唔係因為要睇建築物, 反而睇璧畫 - 由 Diego Rivera 喺 1929 ~ 1935 年受政府邀請所畫嘅大型璧畫, 中庭的彩色畫, 係 Diego 眼中的比較近期嘅墨西哥歷史, 例如 Aztec 嘅 羽神蛇, 西班牙人Cortes同埋1910年的獨立戰爭.
 |
| 1910 Mexican Revolution |
 |
| 畫好明顯見倒代表 Aztecs 嘅鷹,再上就講 War of Independence |
 |
| 左圖 : 栗米係墨西哥主要食糧,這些圖畫都是描述 Aztecs 時代幾咁繁華 |
除左璧畫, 議會亦可以參觀
 |
| The Constitution , 由 Benito Juarez draft |
 |
| 找亮點 : 見倒個塔頂係斜左一邊 ?? |
教堂旁就係 Templo Mayor ( 大神廟), 佢嘅發現都係一個偶然, 當年西班牙入侵墨西哥將所有 Aztec 嘅建築都破壞, 消滅, 所以今日都好難見倒這些歷史建築, 但大神廟註喺 1978 年, 被一個水電工喺大廣場附於意外發現一個 8 噸 刻著 Aztec 雨神石雕, 考古學家開始發掘, 就找出原本Aztec 嘅大神廟, 同時亦是傳說當年 Aztec 發現一隻環繞蛇嘅巨鷹棲息嘅仙人掌嘅地方, 同時亦係 Aztec 人相信嘅宇宙中心.
不過, 今日你去Templo Mayor只會見到一堆堆石頭, 當然要靠自己嘅想象力同書介紹, 就會明白當時建築物幾咁偉大
 |
| 上圖就見原來墨西哥城係一個四周都係水, 中間就係 Templo Mayor |
 |
| 今日嘅Templo mayor, 後面就係 大教堂 |
入面共有幾個神廟 - 中央有一個神廟高平臺, 右邊是 Huitzlopchtli 神廟, 左邊係 水神Tlaloc 神廟, 廟前有一個 Chacmmol 雕像, 平臺前方就有兩座40m 高雙金字塔連接平臺,
 |
| Chacmmol 雕像 |
另外仲有博物館好值得一看, 共有四層, 好清楚介紹Aztec 帝國社會制度, 農業文化, 曆法及貿易.
 |
| 大神廟復原圖 |
 |
| 入門口就見呢排髑髏頭牆, 因相傳Aztec 曾殽兩萬人, 取其心臟及血奉神 |
 |
| 不同人形, 左二上相有名的老鷹武士 |
 |
| 左 : 呢個就係當日工人發現搰嘅大石雕, 右 : 係模仿品 |
 |
| Tlaloc 雨神 |
 |
| Chacmool |
當時天氣好一般, 又下雨就在酒店附近大街走走, 見到好多熟悉的名字, 連 OK 都有
Day 17 - July 08 Teotihuacan特奧蒂瓦坎
去Teotihuacan 係一個好自我折磨行為, 因為去之前已經知道呢條路線出名有賊持槍行劫, 連美國security都警告唔好坐呢條巴士線, 但點解仲去, 因為夠平, 唔係就跟團去, 一個人大約 1千, 或者包車, 都要千千聲, 所以明知山有虎, 偏向虎上行, 出發前就將所有重要野唔帶, 只帶錢, 相機, 錢包就放喺好貼身位置....
(我地喺墨西哥城唔多見旅行社, 你想跟團可揾酒店, 或者北站都有旅行社)
 |
| 坐車到北站, 入去行左到尾就見到呢間公司 |
上車會check security,到第二個站會 映你相, 由於太多賊, 所以話加強保安. 原則上第二個站之後係一路去 Teotihuacan, 不過我地中間站有接人, 所以其間賊都可以上車, 但我地好好彩, 坐一小時就平安到達
Teotihuacan (特奧蒂瓦坎) 大致上起始於公元前200年，並且在公元750年時滅亡.,特奧蒂瓦坎人在前200年時出現在墨西哥中部高原，並且在1年到150年間，建造了一個人口約為5萬的城市，堪稱是整個美洲地區最早存在的城市等級之聚落, 他們建立了一個以南北向的「亡者之路」（特奧蒂瓦坎遺蹟的中心軸線）為中心的初級規模城市，建築物主要以金字塔和廟宇為主，之後城市逐漸成長各種平民使用的建築物也建築完成。整個城市與文明的發展在600年時達到高峰，當時特奧蒂瓦坎城的人口可能在10萬到20萬人之間。擁有巨大的建築、精緻的壁畫等文化成就，但卻在650年至750年之間因為不知名的原因沒落，最後消失無蹤。 ( from wiki)
Teotihuacan 最明顯見到亡靈大道, ( 好似話西班牙人見到金字塔係陵墓, 所以就改左呢個名,不過金字塔不是陵墓，而是祭祀或是占卜測量用的), 北端是月亮金字塔（西班牙文：Pirámide de la Luna），中段的東側則有一座古代墨西哥最高大的建築，稱為太陽金字塔 (from wiki)
 |
| 到達了, 好高興 |
我地由南面-羽蛇神神廟開始行, 建於200年, 四面共390 米高, 最出名因為四周都有羽蛇神雕像,
 |
| 火蛇及水神 |
 |
好長嘅死亡大道, 共2km, 但其實佢仲一路仲展 |
去到中間就到達太陽金字塔, 全球第三大金字塔, 基座每邊222米長, 現只有70 米高, 建約公元100 年, 行上去都幾辛苦不過景色好靚
 |
| 到達頂, 剛好 12:00, 佢地話向著太陽吸收精華最好 |
 |
| 後面就係月亮金字塔, 四周綠地很美 |
唔好錯過月亮金字塔附近嘅 Palacio de Quetzaplapalotl ( 蝴蝶宮), 入面都似雀又似蝴蝶雕刻, 剛返新完, 好明顯, 估計係比祭司住嘅地方
Palacio de los Jaguares ( 美洲虎宮殿) :
登上月亮金字塔, 後面就係太陽金字塔啦 !月亮金字塔 估計建於公元300 年, 金字塔附近廣場仲有 12 個細平台, 合共13 個, 剛好就係中美洲神曆計算天數嘅系數
 |
| 四邊都有神廟 |
 |
| 終於上到啦! |
 |
| 看似危險, 其實好安全, 比起之前金字塔呢個好easy |
 |
| 由北望去南邊 |
回程都好安全, 出門口等一陣就有車, 仲好多遊客一齊, 之前嚴謹準備就放松, 轉眼就返到巴士站. 當落車時., 忽然有個警察問我地, 佢英文麻麻地, 查我地ID, 又問我地有無事, 當時想, 唔通我地中國人估我地係壞人, 後來傾多兩句, 不停問Ok,Ok, 我估佢見我地坐呢架黑巴, 又攞住兩個購物袋( 見上圖), 我個袋仲要爛左, 所以我只係 "欖 "住, 可能佢見我地乜都無, 好似比人打劫完..... 真係一個好回憶 !
我地早去Teotihuacan, 所以返到 Mexico city 都係 2點幾, 計劃到新區及 AVE Madero 大街行行!
 |
| AVE Madero 大街 : 呢條步行街好人來人往, 好似我地 Nathan Road, 要 shopping 就要去呢度 |
 |
| 沿路行就會見到呢間藍瓷屋, 入面係間 餐廳, 值得入去睇吓, 晚上仲有人露台唱歌 |
由大道一路行, 就去到 Bella Artes (藝術宮), 於19世紀後期建築的外部為新古典主義和新藝術運動風格，而內部為Art Deco風格。這座建築物最出名的是Ｄiego 等人的壁畫, 不過畫係唔比映相, 好多 security 睇住, 如果你偷偷映都得嘅 ~ 剛巧有 Ｄa-vincci 展覽, 所以勁多人, 我地想入去睇璧畫都已 fulll.....
Ｂella Ａrtes 對面就有 Palacio Postal , 仲好舊好歐式建築物,建於 1902 年, 入面仲好金璧輝煌
 |
| 呢度嘅地鐵站出口好似巴黎地鐵站 |
仲有時間又無乜野做, 其實呢區 Alameda 附近有好多出名 artist museum, 如Franz Mayer,Mural Diego Rivera, 不過我地無乜興趣, 就慢慢經過 Alameda central, 行 ave Juarez 行去 Monumento a la Revolucion 由大街慢慢行去個多小時, 見多Ｄ 酒店, 高樓大厦, 一個好 modern 嘅城市
 |
| 無論新區定舊區, 都日日好似佔中, 好多警察 |
呢得高高建築物就係 Monumento a la Revolucion , 原本話被擦左佢,, 但後來被保存, 頂上有幾個 革命家, 如果無記錯, 呢座應該係2010 年起好, 紀念革命一百年
 |
| Ｆountain : 請找亮點, 我都無想過佢地都幾開放, 話晒係天主教國家 |
 |
| 上面有個觀景台, 可以坐電梯上去 |
 |
| 又慢慢行回 Ave Madero, 好多歐式建築 |
Hotel : NH Mexico City Centro Histórico MX1300 一晚- 地點好, 好近 Ave Madero, 可能會覺得行一條橫街入酒店較靜, 有電腦, wifi, 我地揀佢因為要有好 security, 想要間有safebox (哈) 萬一有事 有 support,識流利英文, 所以揀左間5 星酒店 ,知道呢間係西班牙 chain store, 之前西班牙住過, sevices 唔錯, 不過有個女 staff 超無禮貌, 其他都不錯, taxi 24 小時 services, 仲有 welcome fruit 送
Entrance Fees :
Templo Mayor ( 大神廟) - 64 peso
Teotihuacan - 64 peso
Transportation :
Metro : 墨西哥城坐地鐵好方便, 仲好平, 唔理幾多個站, 都係 5 peso (HK2.5), 所以成日都會搭, 有人話治安差, 小偷所有地方都有, 但有時真係好多人, 你睇下篇就知乜事落唔倒車
Bus to Teotihuacan : 北站坐車, 每程44 peso, 一小時, 詳情上面巳講左, 總之, 有機會被打劫, 自己去考慮, !
沒有留言:
張貼留言