Day 09 (June 30 ) Palenque, Misol -Ha, Agua Azul, San Cristobal de las Casas
當日報團一同報名參加呢個一日團, 由 Palenque 玩半日, 然後坐車到 Misol -Ha 睇瀑布, 之後會到 Agua Azul 食 lunch 及玩水, 最後會安排車送我地到 San Cristobal de las Casas (SCLC), 如果你會計劃由 Palenque 到 SCLC, 這團安排不算太差, 因為佢包括所有入場費 , 交通, 但唔包 lunch. 一早8:00 接你, 到 SCLC 已經差不多 晚上10:00, 玩足一日.
 |
| 酒店泳池, 無用過都映張相留念 |
當日大約8:00 酒店 pick up, 大部份人都一齊去SCLC, 但亦有部份只跟團去 到 Agua Azul 就返回Palenque.
大約 8:30 便會到達 Palenque, 司機通知大約 12:30 喺山下的停車場接, 然後再車大家到上層停車場落車, 咁樣就會沿路落山玩, 唔會咁辛苦, 早上去到亦有好處,就係避開旅行團, 但我地就睇唔到 雲霧, 我睇有些人 ( 估計要冬天及較濕時) 才能夠喺8:00 開門時仍有雲霧, 我地 6 月尾已經好早天熱, 但 這些日子又見到喜愛的藍天與白雲!
Palenque 其實係西班牙人改的名字, 原馬雅名已經不知, 如果要真真正正了解 馬雅文化, 就一定要到 Chiapas 地區, 尤其是 Palenque, 因為這裡不單是馬雅最輝煌時代, 更因為當中建築物, 璧畫, 浮雕許許如生. 今日大家見到建築物沒有什麼顏色, 其實佢地原本都被塗上紅色, 部份有黃色, 大部份外牆都有浮雕, 璧畫, 所以比多少少幻想力, 就會感受到馬雅人的文明.
Palenque 大約喺公元前100 年已經有人住, 一直到公元600~700年最頂盛, 當中 Pakal II (615-683) 喺呢度起左好多廟宇, 廣場, 令我地睇到今日的 Palenque, 從象形文字知道Pakal II 代表太陽及盾, 亦是白色的金剛鸚鵡, 佢為自己起左個大形陵墓 ( Temple de las Inscriptions). 之後佢個仔Chan Bahlum II ( 公元687-702) 繼位,佢嘅象形文字代表係美洲豹及羽蛇, 他再發揚光大, 繼續起起起, 起左個 Grupo de las Cruz, 之後, 因為被 Tonina 攻打, 慢慢衰落, 直到這里十世紀就被忘懷, 慢慢收藏喺呢個雨帶森林 !
初時我地以為呢度好大好大, 要行成日, 不過睇資料, 大部份話大約 4 小時, 我地都有足 4 小時行, 差不多都行晒, 而且邊行邊映相, 所以4 小時都足夠, 當然如果你想慢慢欣賞, —日都唔會多!
一入門就會有人問你要唔要導遊, 但似乎唔平因為同團無人跟, 大家都自己行, 其實個 site 每個點都有幾詳細的英文解釋 ( 多都你睇唔晒), 如果你真係好有心, 每字都睇, 基本上都解釋到每個建築物!
Templo de las Inscripciones ( 碑銘神廟 ) : —入大草地就會見到呢個神廟, 佢共 8 層, 25 米, 喺 1952 年被考古學家發現有個古墓, 就係 Pakal II 啦! 現時好好的保存墨西哥城, 不過, Pakal II古墓已經唔比入, 金字塔亦無得上, 所以我都係睇吓書解釋吓,了解完 就算啦!
 |
| 呢個喺 碑銘神廟旁的是 Temple XIII, 入面元可以參觀個古墓,是曾經一位女仕的, 被稱"紅色皇后"因為被發掘時被紅多石棺及顱骨 |
 |
| 紅色皇后古墓 |
 |
| 當時仲唔係好多遊客 |
 |
| Templo de las Inscripciones ( 碑銘神廟 ) 及 Temple XIII |
El Palacio ( 皇宮) : 要睇皇宮, 首先要爬樓梯, 初時都唔知原來皇宮有咁大, 仲比你喺入面走來走去, 不過路面不是好平, 所以行時要小心 !
皇宮估計係比當時 Palenque 的國王住,起左 200 年, 由五世紀到九世紀, 呢D都係因為入面的石碑紀錄, 例如其中一塊就講左國王的就職典禮. 建築方面, 最 eye-catching 就係中間的高塔, 共有 13 間房, 3 個地下畫廊, 分佈四格(四部份),
高塔, Tower : 比較少喺馬雅建築群見到, 共有 5 層, 估計喺用作天文用, 另外, 入面仲有好多浮雕仲好立體感, 雖然我唔識藝術, 但我覺得千幾年前已經有咁高文明, 雕到D 人象栩栩如生! 入面仲有 Sauna 房, 真識享受!
 |
| 爬爬上上 |
 |
| 千幾年後仲見到浮雕仲好立體感 |
 |
| 五層塔 |
 |
| 橫樑都有浮雕 |
當日行皇宮時, 唔係好多人因為團體導遊一般都唔會去呢度( 雖然我唔知點解), 所以當時咁大的皇宮只得我地兩條友仔, 仲要任你行任你爬(我地無做因為建築物都唔係好實淨) 但當時係完全無人睇住你, 比起其他中國或香港地方, 如果無人睇住, 睇怕好多 "XXX 到此一遊". 就算之前的金字塔話唔比人爬, 佢地都無人睇住, 只用一條繩圍著, 希望大家都自律, 不要濫用別人的信任!
行皇宮覺得有少少到吳哥窟的感覺, 可能都係一D已被遺棄的皇宮, 但呢度當然無吳哥窟咁大又咁多濕婆, 但同樣感到一個文明的結束!
 |
| 遠望皇宮 |
沿指示就會到
Grupo de las Cruces ( 十字教堂群組), 屬於Chan-Bahlun II 時代建築,
首先見到 Templ del Sol. 呢個 Temple 的橫樑是Palenque 其中一個保存不錯的建築物,. 入面仲有石碑, 紀念Kan B'alam的繼承皇位, 馬雅的象形文字亦好清晰見到!
 |
| Templo del Sol 太陽神廟 |
 |
| Templo del Sol 及Templo XIV |
 |
| 紀念Kan B'alam石碑( 指個細路), 面對係佢老豆 |
之後就會去Palenque 其中一個重點 :
Templo de las Cruz ( 十字教堂), 因為佢係十字群組最高的建築物, 所以首先要爬上好高好斜的金字塔. 上得越高, 就睇得越遠, 當日天氣好好, 坐呢度可以睇到皇宮, 呢度就見到高塔好醒目突出!
十字教堂 : 共有9 層,所以爬到死死吓! 頂層的神廟入面有塊石, 記錄有個神食住煙跟Kan B'alam受的勳情況. 不過當時實在太攰太興奮, 所以無睇倒就休息, 好好睇吓風景, 呢個景係 Palenque 最靚的 view, 所以好好喺呢度休息吓!
 |
| 爬爬爬, 好攰呀! |
 |
| 呢度遠望就係El Palacio |
 |
| 亦可睇到 templo del Sol |
 |
| 登頂啦! |
 |
| Templo 外都有浮雕, 隱約見到紅色 ( 原本建築物的顏色) |
由十字教堂隔離就係
Templo de la Cruz Foliada (十字葉神廟), 佢無十字教堂咁高, 但可以遠遠望到十字教堂 !
 |
| 十字葉神廟 : 又要爬! |
 |
| 入面都係有塊石碑講Pakal 有塊遮光板印上他的胸膛, 肩膀生出栗米, 頭就有quetzal 鳥 |
 |
| Zoom 住 皇宮睇近鏡 |
離開十字教堂群, 就會去向南邊, 但部分仍在發掘中, 所以較多樹林,所以會覺得好似一處仍待大家去探險!
 |
| 最好帶定防蚊水! |
南邊群組都有不少神廟, 但建築物無之前咁靚, 咁高大, 但睇就要睇建築外的浮雕 ! (雖然不少都是 reproduction )
較特別是TemploXX, 剛於1999 才發掘出來, 仲可以見到原本 Palenque 紅色, 這其實是一個墓, 現在仲發掘緊 ! 可能下次再去已經不同!
離開南邊群, 就去北邊, 最先見到就係
Templo de Conde (temple of court ), 中文叫伯爵神廟, 因為曾經有位伯爵喺呢度住左兩年 !
Templo de Conde 旁有個 Ball court 及一個好開放的空間, 傳說話係殺敵人的地方~~~~~
 |
| Juego de Pelota ( Ball Court ) : 明顯比chichen Itza 它細好多, 呢個先可踢波! |
離開過河, 會到
東北邊較少人到的地方因為大部份都係原始森林
Group C : 連名都無就知其實無乜特別, 主要係AD750-800居民住地方, 可能有神廟, 不能睇都唔知! 但又因為無乜人到, 所以你會覺得自己好似返左19世紀, 當日John Stephen 發現 Palenque 的情況, 加上無乜人的踪迹, 呢度慢慢去 explore 時都覺得好有 feel ....
 |
| 無明顯的路徑, 無人逗留的痕迹 |
離開Group C, 向 Group 1 &2 指示, 就會發現有條橋, 仲見到 Bano de la Reina (Queen's bath) , 皇後就見唔倒, 不過附近因為無乜人去, 又喺森林入面, 就真是好舒服 !
 |
| Palenque 多是石灰岩, 所以層層石好靚! |
之後仲經過 Bat Group. 其實都係一堆石.
 |
| 隨隨便便都會見倒大樹, 不知喺呢個森林幾耐呢 |
Group 1 & 2 : 其實無乜特別,
沿路有清楚指示出路口及博物館, 但當時因為博物館裝修中, 關門了! 最衰個司機無話比我地知, 所以我地預早左時間都係等, 不過原來全車的人都唔知, 所以唔係語言問題啦!
由 Palenque 出發 20km, 就會到達 Misol - Ha. 這瀑布給35m高, 最特別除了好大的 池塘外, 仲有山中開鑿一條路, 等大家好近距離接近瀑布. 有些人更會喺 池塘游水.... 我地只逗留大約30 分鐘, 不過都夠有突...
 |
| 當日唔算好大瀑布, 不過都好涼... |
 |
| 路面都算平, 有些較矮... |
 |
| 行到盡頭仲可以入去一個洞, 不過我地無帶電筒... 的算啦 |
好肚餓呀.... 差不多大約3:30 先到達
Agua Azul, 會留這裡食 lumch ( 自費), 游水, 留大約 2 個多小時, 我地都預備會喺呢度游水, 但同團朋友就無乜人游... 但我都推介給大家, 因為如果只係留淺水地方, 唔去好急流位置, 基本上是無危險, 難得係仲要係淡水, 游完唔沖身都無問題!
呢個瀑布亦出名因為佢底係石灰石, 所以水底係白色, 水特別藍, 如果上到山頂, 會見到一層層的池塘 !
 |
| 我地玩到無晒電, 唯有借相 (http://www.a-traveler-rests.com/) |
如果唔想行到上山頂, 山腳都已經見到瀑布, 好寬, 跟 Misol-Ha 感覺好不同!
我地梗係要落水玩啦! 第一次係咁寬瀑布, 仲要好藍的水, 香港如果去瀑布, 通常好多石, 好淺水. 游水地方都好細, 呢度成個游泳池.....
 |
| 仲可以跳水, 我都試過但點都唔夠佢地可以飛到咁高.... |
 |
| 6:00 後就會清場, 無晒人游水... 水真係好藍 |
 |
| 玩到無電, 幸好司機最後五分鐘開門, 我地用 9秒9 跑去映返張相, 真係好難得先映返 |
 |
| 已經收在日頭, 但選瀑布仍很美... |
由於我地Book 團會再到 San Cristobal de las Casas, 部份團友會返 Palenque, 我地就中途落車, 好彩有對夫婦, 老公係意大利人, 好熱情, 話佢地都係坐車去 SCLC, 如果唔係我地可能比人遣留左.... 等到大約6:30 便上車, 唔係ADO, 應該係 Second class 車, 當時都唔會考慮太多, 車到 SCLC 就夠 ! 其實沿山路開, 又上山又落山, 仲要黑麻麻, 條山路都幾危險, 成車都瞓到死左 ( 包括我老公), 我怕有賊因為呢條路中間會停客上落, 個Area 又比較多游激隊, 所以我就望住個好圓月亮....... 到大約10 點就到達 SCLC... 一落車, 好凍... 因為 SCLC 位於 2000m 高, 我就由著背心變左著羽絨......
 |
| SCLC: D 人仲帶頸巾, 著大外套 |
Hotel : Casa Margarita 600 peso 一晚 , 地點一流, walking distance 去市中心, 位置Real de Guadalupe 步行街, 當日係 low season,所以唔多人住, wifi ok, 熱水足夠, 無暖氣但當時唔算太凍
Transportation : 團費已包, SCLC ADO 巴士站行大約 15 分鐘到市中心, 但晚上我地搭的士 去 酒店 ( 好近Plaza 31 de Marzo) Peso 30,
Tour (一日團, 包 Palenque, Misol-Ha, Agua Azul) 包入場, 車到 SCLC, 唔包 lunch : 525 peso, 如果路線都會去 Palenque 加 SCLC, 推介跟呢個團因為時間足夠玩, 又安排所有交通
