墨西哥是北美 ? 中美 ? 點解有咁多問題 ?? (包行程路線 ) ( Home : Itinerary information)

去墨西哥是一個偶然, 因為今年暑假去加拿大探親, 加上好朋友計劃差不多時候在美國結婚, 本來計劃到加東的旅行, 跟朋友傾得好興奮話不如一齊去墨西哥, 就開始睇資料, 發覺原來好多野睇, 比加東更有趣, 又一班朋友, 都相當不錯 !

最後, 一班朋友都有各樣原因無法一齊, 我地兩老繼續墨西哥之旅!

出發前有很多美麗的誤會, 包括 :

1. 墨西哥是北美 ? 中美 ?
最多人跟我講 " 哇去中美 (甚至南美), 其實墨西哥好長, 墨西哥城位處北緯 19 度 ( 香港大約22 度), 再南下都只係 12-13 度, 所以其實唔係好近赤道.  不過有呢個誤會好正常, 墨西哥部份位置連接 瓜地馬拉,貝里斯, 又有馬雅文明, 所以有些國家會將墨西哥西南部洲包入中美.
* 不過正式計係唔包, 如果唔係墨西哥點會跟美國簽NAFTA ( 北美自由貿易協議)

2. 墨西哥好危險, 點解要去?
墨西哥真係好大, 其實今次去大部份的地方都好安全, 自由行無問題, 除了墨西哥城好多警察 ( 可能多賊啦), 大城市就自然多賊啦 ! 有些北美朋友好擔心因為佢地成日睇新聞好多話綁架，搶劫，這些主要集中北邊近美國邊境, 所以, 都係一句, 就算去意大利, 法國都好多小偷搶劫, 自己小心點, 打醒精神!

3. 墨西哥人好熱情 ?
出發前睇過其他人的遊記, 好多都話墨西哥人好熱情, 好肯幫人, 有問題你未問已經好主動幫你 ! 我地由 Cancun 出發, 一路玩, 都唔覺得墨西哥人好helpful, 甚至我地試過同團的墨西哥人, 明明識講流利英文都要跟我地講西班牙文 ( 直到我地真係無法溝通才講英文), 通常幫我地的人係其他國家的遊客 ! 哈哈!!

後來, 我睇一些講解墨西哥的書, 解釋墨西哥人是比較內向, 不容易表現自己, 直到跟你比較相熟, 咁我就明白啦! 係墨西哥, 你唔會比人眼望望, 唔會有人搵你映相 ( 相比, 南美及土耳其, 明顯無人會搵我地映相)

4. 墨西哥文明只有馬雅 ?
自從2012 年世界末日, 馬雅好 hot ! 當然 2012 年沒有末日, 但馬雅的數學及天文知識是十分 advanced. 但, 墨西哥文明 不只有 馬雅, 今日在墨西哥城附近的Teotihuacan (特奧蒂瓦坎), 其金字塔,亡者之路, 已在二千年前有成熟建築,  還有 Oaxaca 的  Zapotecs & Mixtecs, 不單建築, 亦有很完善的文字. 下篇將會略略解釋 不同墨西哥文明.

如果想知道多D 歷史, 就快D 睇你吓 墨西哥歷史及中美洲文明簡介 !

行程路線
Day 1-3  :      加勒比海的陽光與海灘 ( Playa Del Carmen, Isla Cozumel, Coba, Tulum)

Day 4 :         新世界七大奇蹟 (Valladolid,Chichen Itza)

Day 5-7 :      美麗的美麗達(Merida, Uxmal)

Day 8-9 :      遊歷輝煌的馬雅 (Maya )年代 ( Palenque, Bonampak; Yaxchilan)

Day 10-11 :   了解原住民天主教的另一面 (San Cristobal de las casas )

Day 12- 15 :  墨西哥 Zapotec 及 Mixtec 文明之地 ( Oaxaca)

Day 16 - 17 : 最後的一個文明 - Aztecs 及 Teotihuacan (Mexico City : Part 1 )

Day 18 -19 :  我以為自已去左西班牙 ( Guanajuato)

Day 19-21 :   一切以博物館作終結(Mexico City : Part 2 )

回家後, 一路都提不興致去寫這遊記, 墨西哥是否一個必去地方嗎 ? 我又唔覺得, 相信跟不太歡喜當地的食物 (辣) 有關, 但如果想去的朋友, 請早點年紀去吧! 因為有許多金字塔要爬, 夏天天氣好熱, 如果到七老八十才去, 就會喪失很多(臭汗)味道!

最後, 希望這遊記不單可給計劃去墨西哥朋友的資料, 還可給對墨西哥文明歷史有興趣的朋友一些額外的信息 

Next 

號外 : 資料篇 包消費, 電子書, 治安, 電話, 提款等 ( INFORMATION )

資料篇  ( INFORMATION )

1. Expense消費

今次去21 日( 連飛機時間24日) 花費共 HKD22,000, 其中因為機票要HKD10,000 ( 包香港 -  溫哥華 -Cancun , 回程 Mexico City - 香港, 因為我地先去 Canada 探朋友, 香港去坐 Korea airline (HKD7000) 所以再買單程溫哥華去 Cancun ( HKD1500)及單程 Mexico City 去 LA ( HKD1500) 其實可以買平點, 如果由 Mexico City 去 LA 有平D 選擇, 但我地要 確保由 Mexico 行李直掛到香港, 中間唔想而喺 USA 再 check in, 所以就訂機票時揀 Alsaka airline, 咁就貴多大約 HKD1000, 呢但博唔博就自己決定

Category	HKD	%
Hotel	4,548	20%
Food :	2,667	12%
Admission	531	2%
Local Transport	1,714	8%
Tour	2,308	10%
other Misc	860	4%
ticket	10,000	44%
total :	22,626.50
Exchange rate : 1HK$=2 MX peso

墨西哥消費唔算太貴，我地住嘅酒店全部係双人房連厠所，平均hkd400 —晚, 要再平嘅有更多選擇.

食我地無什麼食貴野, 大部份去 market 食, 平均一日三餐用 HKD120, 唔算特別平, Cancun 同墨西哥城會較貴

旅行團我地都幾常跟, Cancun跟團會比較貴, 但如果要方便玩得易就係一個好選擇. 如果去 Palenque 或附近, 我跟嘅幾個 tour 都好好, 無人做 guide, 交通安排好, 睇野時間又充足, 價錢比自己去平, 我自己覺得值得推介. 致於行山團, 我覺得包食包住包 guide 先 HKD 五百幾玩兩日, 加上景色好靚, 是否去就睇自己興趣


2. 電子書,參考書
睇左好多書因為唔睇去墨西哥會好浪費，你唔知自己睇乜，我自己有本 Lonely Planet - Mexico 因為比較全面, 中文書有 Mook 墨西哥, 但好簡單, 大部份資料都係 translate lonely planet 嘅.
另一本推介係Eye-witness 嘅 Mexico, 部份景點講解得好好, 因 Lonely Planet 有些講得比較簡單
雖然識少少西班牙文, 我自己都帶定本 " 西班牙手指指 "

上面嘅書我有 e-book ( scanned copy pdf),. 我亦有 Lonely Planet Mexico ( English version) 嘅 epub version, 如果有須要自用, 可以留言比我, 我會 email 比你, 請記緊, 如覺得好, 就一定要買正本支持 ! 

3. 食物

我有個檔案都有介紹墨西哥食物,  Tacos,  Torilla, tamales, moles, 其實大部書都介紹得7788, 食物我就真係好麻麻地，不只因為辣，taco, tallillo, 我都唔鐘意，一餐半餐無所謂，日日食真係頂唔順，好彩仲有湯飯，大部份地方都有得食，先可以頂到三星期！😄 可惜無相分享比大家因為電腦D 相唔見左,

分享書嘅資料比大家參考 ( 版權係書出版社嘅 ! )

4. 其他
ATM : 好容易尤其係 CANCUN, 銀聯都得, 但之後去 SCLC, Oaxaca 我地主要用 Plus, Mexico City 用銀聯得, Cancun 地方收美金, 個 Rate 就無咁好, 亦有不少 currency exchange, 所以唔須要太擔心取款. 唱錢問題

唯一提醒 : Cancun International hall arrival 係不能提 MX peso, 只能提 USD , 然後去唱錢, 如意想堅持, 就過去 Domestic arrival hall, 有兩部 ATM 都可提 MXpeso 的

電話 SIM CARD : 我地 arrival Cancun 唔見有得買 ( domestic 及 international arrival hall 都無), 所以我地去到 Playa Del Carmen 近巴士站買, Telcel -MX650 包 無限data 用1 個月, 佢話係3G, 但大部份時候都好慢 係 2G , 但基本上網 facebook, 揾路都 ok

旅後感想

其實今次旅行都有不少意外或小插曲, 中間亦曾經想過返香港, 完結旅程, 心情上上落落, 但人越大越唔想 take risk, 所以呢 D 所謂危險地方, 年青點去啦, 唔好諗太多 ! 

1.治安及安全

安全，我覺得無乜問題，只須跟所有大城市一樣，自己小心d，靜嘅地方唔好去，明知有機會有危險如Teo 巴士就唔好帶咁多錢，基本上都係用common sense, 就無問題！墨西哥人唔熱情，但自己有問題，主動問吓，仲有internet 咁方便，唔會有太大問題

2. 警察 ? 城管 ?
小鎮見唔倒警察，只有oaxaca 同墨西哥城見到好多好多警察，警察做埋security , 都唔知做乜，點解可樂店門口，行pull and bear 有警察，好似城管咁，係因為政府要錢，所以outsource service, 還是黑白都包曬，我都唔知道，只怕香港會唔會都變成咁…

3. 巴士

墨西哥巴士network 好發達，或者應該說火車好差，無wifi, 有時有飲品，坐通宵車都不錯，我地大部份坐ADO, 普通車，坐幾個鐘都唔太差，而且都好準時，無乜delay

4.去嗎 ?

首頁講過，墨西哥值得去嗎？我自己就一半一半，當然佢嘅歷史，馬雅文明好吸引，加勒比海，最吸引我或最深刻應該係行山，因為無想過墨西哥呢一面，當然舊跡如Palenque, yaxchilan都好特別，很原始，要去就年輕點去，到你七老八十就無氣力爬咁高啦！

5. 如決定去, 給你一點建議  再講多一次，記得先睇書，睇資料先好去，因為墨西哥嘅歷史已經好傳奇，加上佢不同地方不同時期都有不同文明，當然佢地都有common ；但如無溫書就去，只會見到一堆石，一些畫，一個遺址，沒什麼感覺或特別地方，另外，多d 去了解原居民嘅文化同歷史，或者會多一點認同那些激進行為 !


當然, 希望我嘅遊記都比倒小小資料給你 !

HOME

墨西哥歷史及中美洲文明簡介

墨西哥歷史

墨西哥算屬於新世界, 所以歷史唔算大長, 大約20000BC 由亞洲移民到美洲, 直到1500BC開始了第一個文明奧爾梅克 (Olmecs), 這亦是馬雅文明的搖籃, 其後不同地方亦發展不同文明如 薩波特克 (Zaptoec),馬雅(Maya), Teotihuacán (提奧提華坎) 等.   

墨西哥最後一個帝國是阿茲特克( Aztec) , 當1521 年西班牙征服Tenochtitlan (今墨西哥城),  墨西哥歷史便改寫, 成為西班牙的殖民地, 經過 300 年西班牙統治, 才在1810年由米格爾·伊達爾戈·伊·科斯蒂利亞 (Miguel Hidalgo y Costilla) 發起起義, 經歷10 年獨立戰爭才成立第一共和國(Republic of Mexico).

Diego Rivera 眼中的Miguel Hidalgo

其實獨立後不代表墨西哥發展很順利, 中間經歷美國開戰 (1846-48年,墨西哥損失當時約國土三分之一的面積給美國, 位置大約是今日的德州到加洲). 由於國家長期處於弱勢, 財富不均, 這亦引發由貝尼托·胡亞雷斯( Benito Juárez) 提出修改憲法, 限制教會和軍隊對國家的控制 並發動了改革戰爭 (The War of the Reform, 1858-61), 經歷 3 年內戰及法國入侵統治(1864-67), 胡亞雷斯成了總統及改革墨西哥, 但胡亞雷斯在1872 心臟病去世.

其後進入迪亞斯(Porfirio Díaz)獨裁時代 30 年( 1876-1911), 墨西哥人對他又愛又恨, 因為他集中經濟發展國家基建,引進外國人來墨西哥投資, 但因為他很獨裁, 排除異己, 完全忽視民主發展.
其後, 墨西哥經歷十年不同大大小小的內戰, 直到 1920 成立了墨西哥革命制度黨（Partido Revolucionario Institucional，PRI）獲得了政權, 這一黨亦統治墨西哥超過80 年, 直到2000年才有另一個政黨 ( National Action Party (Mexico) 輪替。

中美洲文明(Meosoamerica)簡介

中美洲文明又指這些前哥倫布時期的印地安文明,  地理上包括墨西哥中南部, 瓜地馬拉,貝里斯,部份宏都拉斯 及薩爾瓦多 ( 當然, 不同人有不同的解讀, 但我主要睇的旅遊書都是以上列幾個地方為主)

中美洲文明不是指一個皇朝或特定的時代, 只是這些人享有一些共同的地方, 例如 : 信仰, 曆法, 建築 (如金字塔, 球場) 但同時亦有自己獨特的語言及生活習.

中部美洲文明主要及較大影響性包括奧爾梅克 (Olmecs)、提奧提華坎(Teotihuacán )、薩波特克(Zaptoec)、馬雅(Maya)、米茲特克(Mixtec)、托爾特克( Toltecs)，及阿茲提克 (Aztec), 他們有的是同時出現, 有的是一代連接一代, 下列的時間表及地圖會較清楚列出, 今次旅行設計都儘量去睇每個文明的地方, 但仍然無去到  La Venta ( Olmecs) 及 Tula ( Toltecs), 唯有睇下 墨西哥城博物館資料, 致於其他的, 每個有關每個文明的資料亦會每個遊記解釋及介紹更詳細.

當遊歷墨西哥各地時, 最好先了解大致的歷史, 如果唔係, 都只係睇到每處都係金字塔, 球場, 雨神, 但如果比少少資訊, 就會覺得墨西哥都有很高度文明及歷史.

中美洲文明時間表 ( 墨西哥)

中美洲文明概述地圖 ( 墨西哥)

NEXT : Day 1