Day 19-21 : 一切以博物館作終結(Mexico City 墨西哥城 : Part 2 )

Day 19 July 10  墨西哥城 - Museo Nacional de Antroplogia (國立人類學博物館)

為左一早返墨西哥城 , 安排坐6:30 巴士( 因為 Guanajuato 返到墨西哥城要 5 小時), 所以天黑黑時一早 check out 去巴士站, 點知中間巴士死火, 到達墨西哥城巳二點, 趕路去Museo Nacional de Antroplogia

Museo Nacional de Antroplogia 國立人類學博物館 喺 Bosque de Chapultepec, 附近有個大公園. 所以可以一同拼合一齊去
博物館 分唔同時間做十二個展廳. 所以可以一次過了解墨西哥由遠古到近代, 由南到北, 由於我地已經走過大半圈, 所以巳經有基本認識, 用博物館做終結好啱, 咁就唔會睇到無頭緒.
展館由 :

1  Temporary exhibition areas臨時展館
2.   Introduction to Anthropology人類學簡介
3. America's Peopling -墨西哥遠古最早定居者介紹
4. Pre-classical Central Mexico 主要介紹 公元前2300 年到 公元100 年歷史, 由游牧民族到定居
5. Teotihuacan : 介紹美洲首個強大地方
6. The Toltecs and their Period " 主要介紹公元650年到1250年,特別 是 Tula 圓柱
7. Aztecs : 因為發原地來自墨西哥城, 尤其是 太陽石
8. Oaxaca Area : 展示 Oaxaca 嘅 Zapotec 及 Mixtec 文明
9. Gilf Coast Area : 這裡有墨西哥文明之首 - Olmecs, 還有那些大頭石
10. Maya : 主要展示中美洲馬雅文明物品, 最有名係 Palenque 發掘出來嘅 King Pakal
11. Western Cultures : 展示墨西哥西部交化
12. Northern Cultures  :展示墨西哥西部交化

其實大部份介紹嘅地方我地都有去過, 展品都有似曾相識感覺, 不多作再解釋, 只給部份較有名及特別相給大家睇睇 !

大門口就有呢個噴泉

@Pre-classical Central Mexico

Olmecs 代表 : 大頭

Teotihuacan 都見過嘅神廟

ball court 

King Pakal 

Aztecs有名太陽石

Aztecs

Oaxaca 館

Oaxaca 館

實在太眠瞓, 所以行完坐地鐵返酒店食晚飯瞓覺 !

Day 20 July 11  墨西哥城 - 最後沖刺 ! Shopping Shopping Shopping !!!!!

最後一日沒有什麼計劃,到附近走走, 本想去 Suprema Corte de Justice ( 最高法院) 睇壁畫, 但星期日關門, 改左去附近 Plaza Santo Domingo 及 Iglesia de Santo Domingo, 當時仲好早, 所以 Plaza 及 Church 都唔多人

慢慢再行去 Palacio de Bellas Artes, 當時仲有票去睇壁畫, 所以就補償之前嘅失落 !Palacio de Bellas Artes 建於 1905 年, 因中間打扙到 1934 年才完成. 除左本身嘅建築, 入面壁畫 由多名出多墨西哥藝術家, 如 Rufino Tamayo, David Alfaro Siquerios, Diego, 當中由 Diego 當日喺Rockefeller Tower 半途消息嘅壁畫, 重新再畫一幅類似壁畫, 用嚟諷刺美國嘅資本主義, 不過壁畫係唔比映相, 有興趣可以上網自己找找吧 !

 慢慢行就去到 Mercado San Juan, 入面係一個 market 有不少菜, 海鮮, 肉等, 我地都買了不少香料. 入面有間餐廳去食 tapas, 飲杯酒 !

買完野就返大街, 剛見到有表演 ( 或者係不同地區代表在跳舞), 看過一會,就去 超市 ( 要坐車去市外, 有 walmart, 大形 shopping mall ), 買衫買鞋 ! 滿載而歸 !

剛遇上遊行, 唔知反對什麼, 打扮吸引大家

晚上還是在酒店附近嘅Casa de los Azules ( 瓷磚之家) 食飯, 點知好多人, 所以就去同在磚之家內但主要食簡餐, 簡單點, 行去睇睇這 瓷磚之家就算啦

吃正餐嘅地方, 好多人仲等緊位

晚上仲有表演, 人出人海

Day 21 July 12  墨西哥城 -返香港

一早機返香港, 所以一定要 call 的士,唔使15 分鐘就到達機場.... 

Hotel lobby 黑麻

我地經 LA, 到首爾, 而返香港, 因為係同一個 alliance, 所以行李直達香港, 唔須要喺 LA 再check in, 因為呢個安排, 我專登比多 HKD1000, 如果唔係, 部其實可以買 Mexicana airline 喺 LA 攞行李, 再重新 check in, 但記得有足夠時期或者到 LA 住一晚 ! 

當時只係早上 4:30. 巳到經好多好多人, 仲要好耐先 check in, 因為有幾班學校團, 見佢地勁興奮 !

三十小時回家之旅開始了 ! 

Transportation : 
去 國立人類學博物館 可坐地鐵到 auditorio 站, 經公園去博物館
Zocalo 去機場, 經酒店訂的士 250 peso

Entrance Fee : 
國立人類學博物館 - 64 peso 一位
Palacio de Bellas Arts - 49 peso 一位

NEXT

HOME

Day 18 -19 : 我以為自已去左西班牙 (Guanajuato,瓜納華托)

Ｄay 18 July 09  Guanajuato 瓜納華托

去墨西哥, 朋友都會擔心有意外, 一路都算順順利利, 呢日只係坐車去 Guanajuato, 之前又買左車票, 應該無乜問題啦...  點知意外就係喺你無預備情況下發生 !
當日一早坐 8:30 車, 所以我地預多少少時間大約個多小時, 北站昨日巳去過, 所以都知道邊度轉車等等, 昨日上車, 雖然返工時間但都唔多人, 點知今日好似喺旺角轉車去金鐘, 勁多人, 到左我地要轉車嘅站, 佢地無先出後落, 我好彩, 跟倒個大隻佬沖出車門, 但老公被阿婆頂住, 我 hold 住個門唔比佢關, 然後都係出唔倒,... 我只好攞埋老公嘅 starsbuck 早餐, 然後喺月台等......... 等等等.... 無電話聯絡, 我又怕地鐵有賊, 又怕佢唔識講, 無人知路線.... 好彩幾個字之後見到佢, 原來下個站係去唔返對面路線,佢又要再搭多個站再轉線.... 幸好都安然返嚟. 其實事後檢討, 我地諗點解我唔上返車, 一齊miss 個站就算, 起碼大家都一齊唔使擔心對方.

好彩我地預時間好寬裕, 有意外咁都可以如期上巴士, 無突發事情點叫自由行..  出發去 Guanajuato !

堅守我嘅 Starsbuck Coffee... 出發啦! 

Guanajuato瓜納華托原是一個銀礦城市, 喺 1559 年發現礦, 250 年間 出產世界 40% 銀嘅產量, 所以好多地方都好靚 ! 今日佢成一個旅遊區, 因為城市不單色彩繽紛, 還保留好多殖民地色彩建築, 所以覺得自己好似去左西班牙南部. 個鎮唔算好大, 但因為由墨西哥城到呢度要 5 小時, 所以最好都留一晚會時間充足. 

長途巴士站喺市外, 不過搭巴士就可到達市中心, 好方便. 一落巴士就巳經食 lunch, 所以去左 market 揾食 ! 唔好錯過呢度食海鮮, 真係好好味 ! 

market 入面有好多呢d 食海鮮嘅 shop, 我地事旦去一間

market 內還有好多手信買, 不過我地無買, 價錢亦唔太貴

其實呢個鎮好細. 佢無 一個出名嘅單一景點因為個鎮本身巳是一個大景點, 一幅牆, 一扇窗, 藍天白雲, 巳經很美.... 

要數景點 - Basilica de Nuestra Senora de Guanajuato (瓜納華托大教堂) 是17 世紀用左 25 年起, 內部十分華麗因為當年有銀有錢, 所以入面有個雕像相傳係當年西班牙國皇送給瓜納華托,感謝因銀礦為西班牙帶來財富

西班牙國皇送給瓜納華托雕象

要好好感受Guanajuato, 就要去跟大路小路睇 plaza, 因為好多不同形狀嘅 綠色 cut 到唔同形狀, 又有fountain, 有時有表演, 所以感覺好舒服

呢度都見不少don quijote 嘅人象及 museum

沿大路行就會見到Universidad de Guanajuato, 外表好大但當日大學巳關門只可外面映張相

由於大學較高位置, 可以望到城市另一邊, 呢度睇日落好靚, 一陣就上去

再向前行就係Museo de la Alhongiga de Granaditas ( 瓜納華托洲博物館), 呢度亦係當年1810 年 Miguel Hidalgo發動起義重要地點, 喺1810 年,   Hidalgo帶著兩萬人想攻入瓜納華托, 西班牙軍喺呢度緊守, 9 月28日, 一個叫 El Pipila 礦工, 將自己背上大石擋子彈, 然後將大門放火,殺死入面300個西班牙士兵, 事後, 西班牙將起義四個人 ( 包括 Hidalgo) 殺死, 並將佢地個頭喺四角問弔達十年. 現在呢度巳經係一個博物館, 展示瓜納華托洲歷史及藝術, 還有些璧畫, 雖然入面全部係西文,但背後嘅歷史都值得一來

Guanajuato 有好多小街, 其中一條好有名叫 " Callejon del Beso - 親吻小巷", 話說當年一富家女喜歡死窮鬼,家人反對, 唔比見面, 死窮鬼就租女仔屋企對面個單位, 咁就可以kiss 啦 , 位置就係下張相有對情侶嗰度, 我唔知真定假, 但想好好映張相就好難因為有人會捉住你幫你映相收錢

講開小巷, 要留意Guanajuato 有地下通道, 不過就要揾落去嘅路口因為都唔算好明顯, 據說地下車道原本係河的水道, 後來起左水霸就唔係要水道去疏導河水就改成車道

落去嘅路口

其實有不少路口落去地下車道, 不過小心車, 有些通道好黑及有水

Teatro Juarez 要4:00 先開門, 但唔可以參觀因有表演, Mexico 睇表演好平,只須MX20, 我地就順道參觀劇院

其實佢彈得不錯,但我地聽左半個鐘都好比面,然後去睇日落啦

Guanajuato喺原住民的嘅意思係“Hill of Frogs”,所以又名青蛙之城,呢度會發現不少同青蛙嘅野, 我亦發現呢度好多fountain, 比墨西哥其他城市,明顯靚好多

一般人都會去上山頂睇Monumento a El Pipla, 因為可以一眼睇曬成個Guanajuato, 我地計劃喺Teatro Juarez 後面有Cable car 上去,然後再慢慢落山, 點知揾到 cable car 門口但無門口, 唯有自己上 山, 行唔係好耐, 只須30金分鐘就到, 但要揾路, 我跟 lonely planet 路線教, 所以唔太難揾但比較靜, 無人行, 所以唔好太夜先行上山
上到去就會見倒 El Pipla個紀念碑, 佢就係之前講過, 1810年9月28日放火燒大門令西班牙死, 個碑就係佢舉起火把嘅情況. 下面有句西文, 意思 : 還有其它Alhondigas 待燒"
呢度亦係日落時睇Guanajuato好地方, 把整個鎮睇晒又顏色變黃

日落下的大教堂

晚上, 一定要參加 " Callejoneadas", 我地揾酒店book, 其實你差不多時候去walk in 報名都得, 7:30 開始有團, 大約30 分鐘就有一團, 呢個叫遊街音樂會, 來自西班牙嘅習俗, 中古時代遊藝詩人帶著各種樂器, 穿梭大街小巷, 一路唱歌一路飲酒

我地參加嘅團送上兩個酒器, 中間會比吓飲品 ( 其實係 make sure 無人偷偷跟隊,無比錢一齊玩)

開始時喺 中心近 Jardin de la union 會有音樂表演,唱歌,玩雜技, 不過我地唔知佢地唱乜, 大部份係 local 人,所以佢地玩得好 high. 過一陣,就開始喺小巷出發, 一路唱歌, 中間我地仲比佢地企中間領唱, 但我地唔知唱乜, 勁 "囉"....  唔知會唔會比人放上 YouTube..

向小巷出發

我地由 8:00 開始, 玩到11:00 仲未完, 但因為要明日好早車 ( 6:30) 所以我地都只好返酒店

呢個game好正, 一邊男, 一邊女, 如果個男想示愛, 就可以送花比對方, 都有唔少人買花..

晚上大教堂都好靚

我覺得呢個小鎮真係好正, 細細地 walking distance, 治安好好, 風景好靚, 又有歷史價值, 晚上又有野玩, 唔怪得咁多 local 人及外地遊客嚟

Hotel : San Diego Hotel,  930 peso 一晚, 位置就係 聯合公園, 市中心, 所以到好夜仲好嘈, 隔音一般, wifi ok, Toilet 有點 d骯髒

Transportation : Mexico city 去Guanajuato, 由北站出發, 大約 5 小時, 510 peso 一位,  巴士站喺市外再轉巴士 ( 好似係 2peso 左右)

Tour : Callejoneadas 100 peso 一位, 玩足一晚, 就算唔識西文, 感受吓都幾好, 我地呢個團仲送個酒缸做紀念品, 又可以當場飲吓酒

NEXT

HOME