Day 12 - July 03 Oaxaca, Mitla,
前一晚搭9:30 夜車去 Oaxaca, 車唔係唔好瞓 ( 我地已經坐 ADO GL), 個位比普通車可以較平一點, 但中途會停車查證件, 有時冷氣會停吓, 我只記得中間落車去左一次厠所, 然後我就瞓到尾...... 一早大約7:30 到達 Oaxaca. 由於唔係好熟路, 所以都係打的! 酒店較近市中心位置, 唔知當時Oaxaca乜事, 好多酒店都 full, 但呢間酒店地點明明唔錯, 但居然唔多人住, 仲做 promotion, 比其他酒店仲平好多.... 之後先知點解..... 留返後面解釋....
一大早到酒店無得 Check in, 但今日行程都幾緊湊, 要 book 明天行山團 ( Expediciones Sierra Norte) , 今日要跟團去Mitla ( 通常係10 點團) 所以 放低個袋, 就去市行行食早餐!
睇資料知道 Oaxaca 好出名 Chocolate, 而且個 market 又好多local 的野食, 仲要好出名, 好 local ! 所以我先去Market 食個早餐先!
 |
| 朱古力唔算太甜, 但好奶味! 口味個個人都不同 |
 |
| 你好肚餓呀? |
 |
| Market 附近有好多去Mezcal 店鋪, 大部門門口都好靚~ |
Zocalo 北邊有一間教堂, 建於1553 年,直到18 世紀才完成, 最靚的就是外牆的 Baroque 式雕刻
 |
| 感覺跟較歐洲教堂較接近, 反而不似美洲殖民地教堂 |
我地參考Lonely Planet 介紹的旅行社 ( Descubre Oaxaca), 好近Zocalo教堂, 本來計劃只去Mitla,玩6 小時, 但見到比多 20peso 就可以去埋 Hierve el Agua, 時間要8.5小時, 覺得好抵, 雖然我地坐完夜車都幾攰, 不過去旅行就會不顧一切, 去玩到盡!
報好當日團, 大約10:00 出發, 就要立刻趕去Expediciones Sierra Norte! 計劃去墨西哥時, 已經想行山, 其中一站係近墨西哥城的第四高山 Nevado de Toluca, 不過因為時間及交通安排無去到, 另一個就係去 Oaxaca 的Pueblos Mancomunados. 當地的行山團一般都經 Expediciones Sierra Norte 安排 ( 包住宿, 膳食, 行山導遊等等). 但須要自行去坐車到當地, 有些人會怕麻煩, 亦有一些私人的旅行社一次過安排, 當然價錢比直接聯絡Expediciones Sierra Norte 貴好多 ! 其實就算唔識西班牙文都唔須要太擔心, 因為Expediciones Sierra Norte 會解釋得清楚.
我地之前已經計劃2 日1 夜, 考慮交通安排, 我地揀左兩個地方都有巴士 或 collectivo 來往 Oaxaca, 咁就唔須要太擔心無車!我地由 Benito Juarez 出發, 然後再行山去Cuajimoloyas, 行山詳情就睇Day 13 的遊記啦!
由於我地只有２０分鐘解釋我地去Pueblos Mancomunados 行程,所以基本上Expediciones Sierra Norte 快馬幫我地 print 好行程，比錢，印好資料 ( 因為要比Benito Juarez 合作社的人知道, 佢地就靠呢張行程紙). 解釋點去, 交通時間等等, 由於巴士去 Benito Juarez 時間唔密, 佢仲建議我地之前一日去買定巴士票, 巴士站會晚上8:00關門, 當時計算好時間應該無問題, 因為一日團會6:30 返到 Oaxaca, 時間實無問題!
 |
| Expediciones Sierra Norte |
 |
| Expediciones Sierra Norte 位於的建築物已經係一個名勝 |
第一站去 El Tule,離Oaxaca 大約10km, 呢個地方最特別係有一棵話"最大的樹", 佢有11m寬,42 米高, 仲有1500 年歷史, 當你第一眼見到, 你會估係唔係有幾棵樹, 其實只係得一棵樹. 實在好大好大..
 |
| Oaxaca 都幾常見到警察巡邏 |
 |
| 解釋點上色及要煮一煮再上色 |
Mezcal 其係Tequila 的兄弟, 都係利用agave(龍舌蘭)蒸餾提練, 不過 Tequila指只喺墨西哥北部生產, Mezcal 主要喺Oaxaca 生產. 所以都係一些好 strong 的 酒精 !
Mezcal 共有過千種, 濃度由36%~48%, 一般分為 :
1. Mezcal Blanco ( White Mezcal) : 蒸餾後就包裝去賣, 價錢平
2. Mezcal Madurado (Matured Mezcal ) : 蒸餾後保存2 個月, 價錢會較貴
3. Mezcal con Gusano : 蒸餾後保存4-6周, 但入面會有條蟲( Gusano ), 呢條蟲其實係生喺龍舌蘭上面, 一般會有5 條蟲
4. Mezcal Anejo (陳年Mezcal) : 蒸餾後保存木桶至少6 個月, 淡啡色, 味道亦無咁"chur", 有點甜, 通常保存一年到四年
所謂人出酒, 我出口, 基本上任你飲, 只要你仲未醉, 不過, 實再停留太耐, 又不停試飲試飲, 所以未食飯人好 high!
 |
| Mezcal 就係喺呢棵野提取出來 |
 |
| 然後用呢個輪"look" "look" 提取液體 |
 |
| 再蒸漏 |
 |
| Cheers ! |
 |
| 不同Mezcal , 一般酒精都有40-50度, 越深色就越貴但越純 |
 |
| 肚餓就要食個雪糕先! 佢地最鐘意雪糕面再加上辣椒粉 |
飲完就去Mitla. 講少少歷史背景, 墨西哥中部主要係Mixtecs(祕茲特克文明) 及Zapotecs (薩波特克文明). Mixtecs藝術家主要以石塊, 木頭同鐵做創作, 主要活動範圍喺Oaxaca,河谷, 所以跟 Zapotecs 亦有許多戰爭, 到10 世紀, Mixtecs領導跟Zapotecs 聯姻, 佔據了 Monte Alban, 同時建立了 Mitla ( 米特拉)
至今大家對Mixtecs建築認識唔深因為佢地唔會好似馬雅會有好多壁畫, 雕刻, 主要D細細件藝術品如彩陶, 頸鍊, 其中Mixtecs最強係鑲嵌金屬制品, 如玉石做面具, 喺 Oaxaca 的博物館就可以睇到.
Mitla 喺 Nahuatl 語指 "死後的地方", 其實係一個對死去的人獻祭中心, 第一次興建宗教祭祀中心係公元400-900年, 所以呢度其實之前係無人住, 村落都係喺附近, 到公元1000-1521 年, 這段時期 Mitla 是一個十分繁榮城市,興盛時大約有一萬人
當未去Mitla 之前, 睇資料見到不同形裝的外牆裝飾就覺得好特別, 呢度有十四款 "馬賽克"式圖案刻喺牆上, 每個都係有意思嘅, 當日導遊好有心機解釋,例如代表天, 地, 蛇, 今日我都忘記7788.... 成個 site 保留及復修得最好嘅神廟 就係 Group de las Columnas 圓柱石群, 共分南北兩廠個中庭及最特別的6根粗柱.
到達現場見到, 真係覺得好特別, 不只喺墨西哥較少見類似圖案, 甚至其他地方都好少見, 所以安排行程時, 雖然知道會跟團嚟呢度, 時間亦不短, 但要見証墨西哥一個雖然短歷史但又有得特別意義的地方, 所以還是選擇了 !
到達之後都証明自己選擇正確，坦白講，呢度一定無馬雅的site咁大咁多款式野睇, 附近亦無什麼特別風景, 成個site 唔大, 我地行1小時好足夠, 主要就係睇呢D"馬賽克"圖案, 如果睇書可能比現場更清楚, 或者對我地嚟講, 旅行唔再係用好短時間去check in 最多國家,城市, 景點, 反而想用合理時間去了解每個探訪每個國家,地方
 |
| 外牆有不同馬賽克"式圖案代表不同東西 |
 |
| 原來建築物都被有一層紅色的油涂上, 但今日已經甩曬! |
 |
| 上去柱石群組 |
 |
| 圓柱石群 |
 |
| 如果你細心睇, 圖案下依然見到淺淺的紅色 |
 |
| 馬賽克圖案就係用一粒一粒的石塊依次序組成 |
圓柱群旁就係 Grupos del Norte (北邊群組), 最特別就係有地下墓穴, 相傳係埋葬了祭司
 |
| 落去墓室啦! |
 |
| 墓室入面都有圖案 |
 |
| 呢個叫生命之柱, 如果你用双手去圍住佢,双手之間的距離就代表你仲有幾耐命, 我就梗係唔試啦! |
不過我覺得Mitla 建築物喺教堂及附近 Grupos del Arroyo ( 溪畔群組)並沒有好好保存及復修, 好似爛石咁!
 |
| 呢個係炸草蜢, 只喺Oaxaca, 成日 market 見到都唔敢買, 呢度Buffet 有得食梗係試下啦! 其實無乜味! |
行完Mitla 仲未食飯, 當時已經3點幾, 心想點6:30返到Oaxaca 因為我地仲有一個景點Hierve El Agua , 車程來回要2 小時, 總於差不多要四點幾先出發去Hierve El Agua !
特別地方因為呢度其實水帶有礦物,幾千年來, 呢D水水流過懸崖, 水乾左之後, 就留低白色鈣化物,睇落去就好似條好大的冰凍瀑布!
個site 分兩邊行, 可以先去"冰凍瀑布"方向再又望返可以游水的大池,
行去瀑布的路好易行, 後面就係大池啦!
我地見倒有人會去到下平台位置, 不過同團朋友就無去到咁遠 !  |
| 冰凍瀑布 |
 |
| 附近環境好靚因為我地位處高山, 可以睇到山接山的山脈及山谷 |
 |
| 呢個係2nd class 巴士站, local 人搭為主, 應該係24 小時, 不過巴士公司就唔係 |
離開巴士站, 去到 market, 見到一檔好多人幫襯, 果然好好味!! 仲遇到好好人的小妹妹, 佢唔識英文我就跟佢講左一陣西班牙文, 好彩佢講得好慢, 仲有有心機同我慢慢講...
食完飯, 忽然聽到 " bam bam "聲, 開頭都唔知係乜, 後來見到有班人巡遊, 一路放煙爆蛋, 見佢有大公仔開路, 有d仲會跳舞, 龍尾見倒好似係教會活動, 但因聽日要早起身就睇左一陣就去睡覺...
Tour : One day tour : ( 200 peso一人) 包車, 唔包入場及 lunch, 由10:00 玩到8:00. 包去 El Tule, Teotitlan del Valle, Mezcal factory, Mitla , Hierve el Agua. 有導遊解釋, 都算清楚
沒有留言:
張貼留言