Day 5 (June 26) Uxmal (烏斯馬爾)
Merida(美麗達) 睇個名就知道這城市很美麗, 佢又名"白色城市 ( white town)", 因為這裡很多建築物用白灰岩及油上白色, 我地住的民宿, 就位處古城區, 佢話油外牆的顏色都不能隨便, 不能自已掛上自已酒店名等等, 因為政府想保留古城的味道. 城市分古城及新城,同時亦保留了不少殖民時代的建築, 在19世紀, 曾經因為某植物(henequen帶來)蓬勃經濟發展, 所以城內亦可見到不少歐洲建築, 甚至一條複制的香榭麗舍大街.
來Merida除了參觀這個美麗的大城市,還會觀光點是Uxmal ((烏斯馬爾), 又係另一個馬雅古城, 比較之前的馬雅古城, 呢度肯定比較少遊客到, 相比Chichen Itza, 佢無咁出名, 交通亦唔係最方便, 所以好多人都會 skip 呢個地方, 但其實佢比其它地方的金字塔較特別, 因為金字塔是橢圓形, 建築亦是Pucc ( 普克風格文化), 只會喺呢一帶 先見到.
由CAME巴士站大約一個多小時, 中途站所以記得跟司機講你邊度落車. 落車向左邊行就到 當日到達見到遊人又係唔多過20 人,
Uxmal 烏斯馬爾
意思"三次建築", 但其實考古學家估計係共建築過五次. 最特別地方係 Uxmal 位置附近並沒有什麼湖泊, 河或地下井, 其實Uxmal 人靠利用儲蓄地下水, 當你入門口就會見到個儲水池, 所以水對Pucc 地區好重要, 呢度就會見到好多 Chau ( 雨神)個樣, Uxmal 大約AD600已經有人住,建立金字塔, 皇宮, 但大約AD900 就被遺棄, 估計都係因為無水!
Casa Del Advino ( Pyramid of the Magician) 又名魔術師的金字塔 或侏儒的宮殿
39 米高, 橢圓形, 今日見到呢個金字塔已經係第五層, 入面仲有四個金字塔, 不過金字塔係唔可以爬啦! 其實這金字塔仲有一個名叫侏儒金字塔, 但跟魔術師的金字塔多都係因為一個傳說, 話訴說好多年前, 有個老婦人想要小孩子, 問烏鴉要左隻雞蛋, 蛋就變出BB, 但BB 大到一歲就唔高, 所以好似個侏儒, 某日,小侏儒見到有個鼓, 一打就驚動四方, 比國王聽到, 佢好驚因為傳說擊鼓人將會是新國王, 所以佢捉左侏儒並要測試佢, 唔得就要死, 侏儒當然通過好多測試, 終於, 國王話要佢一夜要起一個建築物要高過現在所有建築物, 侏儒唔知點做, 揾老婦人, 第二日, 侏儒就瞓左喺今的魔術師的金字塔!
 |
Casa Del Advino
|
 |
| 由金字塔旁還可進入其它建築物 |
 |
| 幾矮! |
 |
| 入面建築主要是Chenes style |
Cuadrangulo de las Monjas ( 修女四方院)
在金字塔旁, 是修女四方院,估計興盛時期是AD890-910, 名字都是跟Chichen 一樣, 西班牙的神父名明. 四邊有建築物加上中庭. 特別是四邊建築物高度不是一致的, 南邊最低, 北邊最高, 東南相同, 不知是否因為風水還是有利空氣流通.
 |
| 呢度入去四方院 |
四方院主要裝飾到雨神 Chau, 四方格, 蛇, 這些主要集中在門框上或橫樑,屋入面反而無乜設計, 這就是普克建築風格 ( Pucc) 資料話入面有 88 間房, 不過參觀時不能入內.
 |
| 雨神 Chau |
 |
| 好大中庭 |
 |
| 你看到 :一條蛇在蛻皮, 代表重生 , 另一條蛇張開的大口代表馬雅人重生的入口 |
再向前行就會見到 Ball court, 不算太大, 亦不算太有特式
 |
| Ball court 後面的就是四方院 |
Case de las Tortuguas (烏龜神殿) : 很簡單的建築設計, 只是圓柱上有幾隻烏龜, 烏龜都係因為跟水有關,
 |
| 由這裡睇返金字塔, ball court 及四方院 |
Governor's Palace (總督府) : 古時 Uxmal 皇帝居所, 最靚的仍是橫樑上的設計, 可以比D 耐性慢慢睇, 想象過千年前, 馬雅人喺呢度點樣起一個咁 fancy 又咁細致的總督府 ?
 |
| 呢度睇個 site 的 view 亦不錯, 不過當時已經係 12 點, 地下都好熱! |
 |
| 雙頭美洲豹 |
Gran Piramide ( 大金字塔) : 32 米高,共九層, 其實唔算太高, 不過喺烈日下爬就好辛苦, 加上呢個 site 入面無野飲賣,無野食賣 要出返入口先有, 所以你根本無法行太耐, 加上好熱, 所以忽忽登頂就走 !
 |
| 我行到好努力, 條樓底好斜啦! |
 |
| 登頂, 不過上面橫樑無點復修 |
 |
| 你望到之前個金字塔嗎? |
 |
| 登頂會見到雨神 |
 |
| 登頂還見了金剛鸚鵡 (Macaw) 浮雕, 仲見到佢隻牙, 馬雅人覺得隻牙併裝飾後可閃閃發光, 可假冒太陽, 故相信是拜太陽的代表 |
由Gran Piramide 入去, 就會見到 El Palmoar (白鴿舍) : 因為建築群頂上的裝飾, D 洞好似白鴿舍, 所以得名, 最特別係個白鴿舍後面仲係好多樹木, 原始森林 feel.
回Merida 的巴士站跟落車站都係一樣, 到達時已見有幾個遊客, 等有半個鐘, 就落好大雨, 仲勁閃電, 大家本來喺樹底下立刻閃走, 好彩附近都有個 shelter. 前後等左一小時就上車, 不過成個人已經濕晒!
Day 06 ( June 27) Merida City Walk 美麗達市一日遊
今日計劃喺美麗達市行, 先去左
Paseo de Montijo ( 孟德大道), 一條複制的香榭麗舍大街, 兩旁不單有好多高高大樹, 仲有多條行車道, 好寬, 比起舊城區的路, 又短又窄, 忽然感覺好現代化!
另外, 呢條街亦有好多歐洲設計的建築 , 大部份已改做博物館, 銀行等等
由於個人原因, 到下午才正式到舊城區行行.
Plaza Grande 就喺正市中心, 當日好好陽光, 個Plaza 又唔大, 一眼望晒, 但附近亦有其他名勝, 所以點都會路過!
 |
| Plaza 就對住 Cathedral |
 |
| 墨西哥公園D櫈好好笑, 對人傾秘密一流! |
Plaza 其中一角就會見到 Case de Montejo ( 孟德之家), 免費入場, 是之前Montejo 的家, 現在是一個博物館, 可以花少少時間睇下個 case 門口, 門上有類似唐吉訶德樣的士兵
 |
| Case de Montejo |
 |
| 唔記得係乜 !? |
 |
| Merida 街邊藝術品, 好似雞腳! 仲要係未甩皮! |
 |
| 唔係沉船, 係沉車! |
然後去
Palacio de Gobierno (政府廳) 因為入面有好多璧畫. 墨西哥人喜歡用璧畫去記載事情, 所以 去 Mexico city 等博物館或政府大樓都會見到不少璧畫, 通常都係記載墨西哥歷史或畫家當時的心情及社會情況.
 |
| 看到牆上的栗米? 對 馬雅人, 栗米是他們主要的食糧, 所以呢幅畫代表希望 |
 |
| 中間仲有間大hall, 入面有不同時間的歷史人物 |
近舊城區景點不算太多, 我地就行左去 Market, 當地人去買菜, 生果, 仲有野食, 衫,等等日常生活, 見到當地人 仲會著緊傳統馬雅人的衣服, 我覺得書入面的平面照, 活生生得見到, 感覺很神奇! 雖然附近環境好多人, 初時感覺有少許雜, 因為好多人又有小巴.巴士站,上落客, 街道好窄, 當時心有點怕, 但 其實就好似外人( 或者部分香港人)去深水埗或鴨寮街, 都覺得好雜, 好骯髒, 但我成日去就完全無問題, 所以改用平常心去睇左睇右, 當了一會子墨西哥人
 |
| 我地由呢個入口入, 係賣海鮮, "鮮"到暈! |
 |
| 後面的人係排緊隊上小巴 |
 |
| 左邊食海鮮, 右邊賣海鮮, 唔好見我笑晒,我笑得好勉強, 映完呢張相立即走, 好臭! |
 |
| 入面有不少店鋪賣傳統馬雅人衣服, 價錢不算太貴 , 但唔係我杯茶, 所以無買 |
 |
| 好多不同款式辣椒, 喜歡辣的朋友一定好開心 |
 |
| 豬皮, 墨西哥又一小食, 都幾好味! |
 |
| 北美小朋友生日喜歡放糖入去呢D公仔, 但我覺得好似我地燒衣公仔! |
 |
| 好多生果！ |
 |
| 我喺呢度買左頂帽，好平又好靚，點解你要離開我．．．． |
 |
| 仲買有辣椒種子 |
 |
| 附近樓房都有歐洲建築風味， 不過今日已經無人打理 |
 |
| 街邊小食 |
 |
| 傳統馬雅婆婆 |
轉眼就日落了， 再行返舊城區建築群開始泛黃．．．沿 Calle 60, 會有不少建築物都值得去去看看
 |
| Teatre Peon Contreras |
 |
| :Teatre Peon Contreras無買票, 無得睇入面, 但門口好多人親晒衫賣票, 映張相, 但唔知點解佢咁唔高興 |
 |
| Universidad Autonoma de Yucatan : 不過不能入去 |
沿Calle 60 行到 Parque Santa Lucia, 見到有人結婚, 新娘準備入去, 我地梗係要去祝福祝福...
 |
| 教堂都好靚 |
回酒店路上, 忽然聽到隆隆音樂, 見到有幾班穿著傳統跳舞衣服, 上前一看, 原來有一個晚會 -墨西哥之夜,由墨西哥不同地方的舞者來表演, 我地亦乘機跟幾班人映相!
 |
| 加油! |
 |
| 佢好熱情擺 pose 比我地映相! |
 |
| 不單只有野睇, 仲有野食, 有野買! |
Day 06 ( June 28) 坐足一日巴士 Merida 去 Palenque
原本計劃由Merida 去 Campeche 再去 Palenque, 但又怕自己攰, 又 book 唔到 第二日 Bonampak; Yaxchilan團, 所以決定 skip Campeche, 直接由 Merida 去 Palenque.
其中一段路沿海邊, 望住大海好舒服!
到達 Palenque 已經5:00, 酒店喺巴士站附近, check in 完就 book 明天 tour 去 Bonampak; Yaxchilan, 好彩無搏第二日先報團因為要早上6:00出發, 同時又發現可以有團又去 Palenque, 去 fall, 又可車去 San Cristobal de las Casas, 自己行Palenque時間亦好充足, 咁就 book 左兩個團! 但這些團是沒有導遊, 只包車, 入場, 部份包食, 但其實這些團我自己覺得好方便, 價錢又唔係貴好多, 最重要係每個 site 的參觀時間都好足夠, 完全適合我地!
 |
| Arrival ! |
我覺得美洲的超市係好大, 乜都好大.... 行完超市就返酒店....
 |
| 呢個有少少似洛神花, 沖水飲,少少酸味, 好啱夏天飲 |
 |
| 乾 辣椒好大隻 |
 |
| 豬扒, 大塊個面 |
 |
| 鮮人掌都有得食 |
 |
| 呀! 唔好手多!!!!!!! ( 其實係唔吉手 :) |
Hotel : Villa Tievoli (1200 peso一晚, 有冷氣, private facilities), 由一對美國人營運,似民宿多過酒店, 好 nice, 好helpful,溝通無問題, 早餐超好味, 5 星酒店味道, 好乾淨, 由酒店到 Plaza Grande 要10 分鐘, 有D 人可能會覺得較靜, 但Merida 晚上治安不算太差,
Entrance Fee : Uxmal : 明明比receipt 得 139 peso, 但收錢就 要 extra 125peso, 共 264 pesp
Transportation：
Merida 舊城區去CAME: 我次次都打的, 部分的士有 metro ( meter ), 通常 30 peso 都夠, 部分taxi 無metro, 價錢大約35peso
Merida 去Uxmal : 去 CAME( 2nd Class bus) 買票, 單程 26 peso, Oriente Bus, 大約60-75 分鐘, 上車跟司機講邊度落, 雖然車票會顯示落車點, 因為係中途站, 安全都係跟司機講聲
Merida 去 Palenque : 坐 ADO, 566 peso 早上 8:00 巴士由 Merida CAME 出發, 到達 Palenque 大約5:00. 中途會停大約 45 分鐘食 lunch
由於個人原因, 到下午才正式到舊城區行行. Plaza Grande 就喺正市中心, 當日好好陽光, 個Plaza 又唔大, 一眼望晒, 但附近亦有其他名勝, 所以點都會路過!
沒有留言:
張貼留言