Day 1 ( June 22) - Playa Del Carmen (普拉亞德爾卡曼)
由於先探親, 所以由加拿大溫哥華出發, 經多倫多到坎昆(Cancun). 機場不太, 很快就出境, 攞行李. 今次唔會帶太多現金,計劃直接提款, 到步會見到有ATM, 不過只能提美金, Peso 機話壞左, 其實點解大家都明白, 唔想換錢就到 Domestic Terminal 就有幾部可提 Peso ATM.
 |
| 飛機望落去的 Camcun |
 |
| 又要靠曬你地啦! 今次行李仲輕過去年 ! |
我地唔會停留 Cancun, 計劃直接坐車到 Playa Del Carmen, 睇之前資料, 明明話有ADO巴士站, 又見唔到, 這時有一個人走過來, 身穿ADO 制服, 報價USD25 ( 但我明明之前查過只須USD10)無講價就走人 ! ( 其實當仲係International Arrival Hall 真係見到有 ADO, 不過當你離開左 Arrival Hall, 你就無法再入去)
終於, 問下人, 又走多幾個圈, 喺Domestic Arrival Hall 好邊邊的位置, 發現了巴士站 (唔好以為好大同又好明顯,! 一切都唔係從遊客角度出發, 可能太多美國人去Cancun, 所以明顯當遊客係水魚, 之後的地方都唔會有這種安排)
路程大約 1 小時就到達 Playa Del Carmen, (PDC). PDC 有 2 個巴士站, 訂酒店時訂近新巴士站 (因為多數遠程巴士由此出發), 但不知點解架巴士只去舊站(較近市中心), 幸好, PDC 不算大, 行都只須5-10 分鐘.
Playa Del Carmen 是一個很遊客的地方, 不過不少書已經講比 Cancun 已較少, 6 月不算太多遊客, 但陽光十分燦爛 !
 |
| 酒店附近 |
PDC 不算大, 只有一條大街, 街頭到街尾行30 分鐘, 不過兩邊商店林立, 要食. 買. 報團都有, 不過如果要出電話咭, 就最好到舊巴士站附近電話鋪, 最好要幫你 set 好, 因為好似好複雜, 幸好, 小店姐姐好幫忙!
Check in 好酒店, 就一定要去
加勒比海游水啦 ! 如果想去沙灘, 穿過大街其實已經見到個海, 不過要游到水, 沙較幼, 最好就唔好去碼頭方向, 越反方向行, 水就會見清!
 |
| 前段的海灘仍有很多海草, 水不夠藍 |
 |
| 好多層次的藍色 ! |
 |
| 沖! 去游水啦! |
Day 2 ( June 23) : Isla Cozumel 浮潛 (Snorkeling )
瞓到自然醒, 加上今日只係計劃出島浮潛, 游吓水, 原本打算參加Lonely Planet 推介的浮潛, 不過我地太遲出門, 所以還是走着瞧啦!
當日上船天氣不是太好, 天黑還下大雨, 但上左船又無理由走, 原來, 墨西哥落雨係落一陣就收雨!
 |
| 好黑啦! |
 |
| 開船啦! |
到達碼頭, 居然無人 sell 我地, 似乎真係好遲..... 跟大街行, 終於有一檔問我地, 哥仔話15 分鐘後有團, 8 個人左右, 仲係 玻璃船, 會去 3 個地方浮潛, 玩大約3 小時, 成交價 USD35 ( 乜都包晒) 跟之前預計的差不多, 說時前那時快, 個搏腳就話 "Go now".....
同團6 人都係墨西哥人, 來自Oaxaca, 一個女仔講流利英文, 但係跟我地成日傾計係一個阿姨, 佢唔理我的BB班 level 西班牙文, 不停講講講.. 我地只好笑笑笑!
見到架玻璃船, 真係笑左, 不過坐 8 個人都好舒服的
 |
| 呢架就係 玻璃船! 哈! |
三個地方, 我已經唔係好記得, 位置近 Parque Chankanaab, 第一個點較近游輪停泊地方, 較淺水, 有不少魚, 第二個點係最好, 又多魚, 又唔深水, 因為第三個點較深, 雖然有魚及珊瑚, 但太遠, 除非你自己潛得好深 !
除左有次喺Cebu 唔算太深水浮潛, 這是我地第一次出大海浮潛， 雖然識游少少水, 開始時不懂咬個嘴，成日入水，浮兩吓就上水，慢慢，識得點呼吸，唔入水，可以浮潛好耐，浮住浮住係好開心，但我好怕自己唔知浮左去邊, 所以成日都捉個阿Sir個水泡 !
 |
| 哇! 好多魚呀! |
 |
| 魚好大條! |
每次浮潛大約30分鐘，玩到大約二個多小時，大家都好攰，我地又忘記問阿sir映左的水底相點樣買．．．好失望！
回到碼頭，計劃到其中一個沙灘，司機話Playa San Francisco 係free, 到左又係要收錢, 不過又唔貴( 好似大約USD5) , 但沙灘不是太大, 基本上游個水
 |
| 除左沙灘，可比錢玩其他滑梯等等 |
吃過午飯(不過已經係4:00),又返回碼頭，走個圈及到 main plaza, 大約5:30船回Playa Del Carmen, 不過有人忽然中暑唔舒服, 所以要改搭另一班6:00船,真係嚇死我!
 |
| 碼頭附近 |
 |
| main plaza |
回到Playa Del Carmen, 在大街走走, 除了大量美國名字商店, 還會見到 所謂"雪茄厰", 因為這裡去Cuba 好近, 所以有興趣朋友可以試試!
 |
| 殖民地建築的教堂 |
 |
| 雪茄厰 |
Day 3 ( June 24 ) : 科巴 (Coba), 科林(Tulum) 一日遊
本來計劃自己行這兩個地方, 不過時間會好緊張, 加上我地計劃當晚6:30 坐車去Valladolid 加上身體未適應, 所以雖然團費好貴(USD50), 還是跟團吧!
Tulum在馬雅意思指城牆, 當然Tulum有城牆 ( 高5 米厚3 米) , 不過只有 3 面, 因為其中一面是海, 海又夠深, 已經成為天然城牆. 估計Tulum的高峰時間為 公元1200-1521, 這是馬雅一個重要的港口. 但西班牙入侵75 年後,就被遣棄, Tulum 特別地方因為是馬雅保存最完好的沿海遺址,
當我第一步望到Tulum, 我看見藍天, 綠草, 因為遺址的不是很大, 好靚! 個 site 唔算太大, 個 guide 簡單講解大約 1 小時, 我地有大約45分鐘自己行, 時間都算足夠因為建築物是不能入去睇, 只有沿著路係外邊走一圈, 不過當日天氣十分好, 所以映相好靚!
 |
| El castillo |
 |
| El Castillo : from another angle |
 |
Templo del Dios Descendente :
在El Castillo 頂, 亦有這個倒轉的人( Descending God), 有人話代表生仔, 有人話代表升太陽方向 |
|
 |
| Templo de las pinturas : 入面話本來有好多 浮雕, 留意兩邊亦有人面浮雕 ( 不過其實睇得唔係好明顯) |
 |
| 人面浮雕 |
 |
| El Palacio |
 |
| casa del Cenote : 入面係有水嘅! |
 |
| Temple del Dios Viento ( Temple Of the Wind God) : 這裡映相最靚! |
 |
| Temple del Dios Viento 近睇 |
 |
| 個site 唔大, 好靚! |
如果自己去, 行到熱熱地, 可以去個沙灘玩個水!
 |
| 遺址入面其實都有城牆, 但係好矮, 估計保護皇城內貴族 |
報團時, 話會中間去一個沙灘, 當時心想, 中間去游水咁煩, 但行完Tulum, 當到達海灘大約11:30, 玩一小時就覺得好正, 因為真係好熱, 好想游水...
沙灘不算大, 但只有 1 小時, 我地仲要換衫, 之後又要沖身, 所以都係玩左半個鐘, 同團D鬼真係好勁, 可以成日著住泳衣, 又唔使沖身, 成日做咸魚!!
 |
| Playa Paradise |
吃過午飯就要去 Coba, Coba 交通唔方便, 由PDC 一日好似得一班車, 所以如果想一日去足2 個地方, 一係就包車或者玩得好趕. 但點解一定要 Coba, 因為佢有Yucatan 唯一可爬的金字塔, 終於唔係得個睇字!
食飯就在Coba 湖隔離, 好舒服 ! Coba 其實比其它Yucatan 馬雅遺址早好多, 高峰時期大約 AD800-1100, 自此就被遺棄啦, 原因未明. Coba 其實好大, 現在仍在發堀中, 而且仲喺樹林中, 所以, Coba 是我見到唯一可騎單車的遺址地方, 好得意!
 |
| Coba 湖 |
 |
| 樹唔算好大棵, 但在樹陰下, 好舒服! |
 |
| Ball Court : 呢個Ball court 算幾原汁原味, 因為唔係大到玩唔到, 仲保留地下幾個人頭, 你見到個圓環嗎? 就要個波入去! |
科巴大金字塔 (Nohoch Nul ) : 高42 米, 是Yucatan 第二最高的建築, 資料話原本有9 層, 及127 級樓梯, 不過做睇到其實而家無乜點修理過, 所以 要爬上其實唔難 , 小心D, 反而心理威脅大D !
 |
| 科巴大金字塔 (Nohoch Nul ) |
 |
| 登頂就見到大片樹林, 仲有湖景 |
登頂就會見到有一個寺廟, 又係有兩個飛天人!
 |
| 落山啦, 話好似每年都有人跌落山, 大家都好小心! |
 |
| 到達啦! 好開心! 不過成個人熱到濕晒! |
沿大路走, 就會見到 Grupo Coba, 其中的 La Iglesia ( The Church), 建於AD300-600 年, 這是七層的金字塔, 每層代表經歷 52 年, 前面的石盤是古代放供品用
 |
| Grupo Coba |
行程到尾聲但還未完, Guide 帶我地去探附近 Maya 原居民屋企, 婆婆仲整玉米餅比我地食.
終於要趕路返 PDC, 其實都好緊張, 因為要搭6:30 車, 到達PDC 城仲要塞車, 我地要返酒店攞行李再去車站, 好彩酒店好近新車站, 所以趕及6:20到車站 出發 Valladolid, 下站會夜到仲要未訂酒店, 我地會唔會流浪 Valladolid ???
酒店Hotel : La Pasion Hotel Boutique, 好近新車站, 早餐好食, staff 好 nice, 價錢當時唔算太貴 ( USD70 / 1120 peso 一晚),
交通Transportation :
Bus : ADO 由 Cancun 機場到 Playa Del Carmen : 156 peso, 大約 1 小時, 每小時有 2-3 班車
Ferry : 由PDC 搭船到Isla Cozumel, 碼頭有3 間公司, 價錢差不多, 最平係Cozmal Express ( 135 peso). 其他兩間 156peso, 唔使買來回票 ( 除非好 peak season) 因為來回價無 discount, 買左又要夾船時間 !
Tour :
Snorkeling 團 : USD 35 , 包飲品 ( Soft drinks, Beer, water 任飲) 3 個地方, 二個多小時
Tulum & Coba 團 : 我唔記得個旅行社名,總之喺酒店附近, 實價 USD50, 包車, 導遊, 午餐( 飲品例外), 入場費, ( 之前問大街的鋪報價USD80, 再減到 USD 60). 如果係美加人, 有些團會好平因為要你去聽個什麼酒店講座 !
沒有留言:
張貼留言